Жаргалант баг
Жаргалант багийн танилцуулга
ЖАРГАЛАНТ БАГИЙН ТАНИЛЦУУЛГА
Жаргалант баг нь Монгол Улсын Их Хурлын 1994 оны 05 дугаар сарын 06-ны өдрийн 32 дугаар тогтоолоор тухайн үеийн Эрдэнэт хотыг аймгийн зэрэглэлд шилжүүлэн Орхон аймаг болгон өөрчлөн зохион байгуулсантай холбогдуулан 1994 оны 08 дугаар сарын 18-ны өдөр Жаргалант сум-ын харьяанд албан ёсоор байгуулагдан үйл ажиллагаагаа эхлүүлсэн түүхтэй.
Тус баг нь 900 га газар нутагтай бөгөөд 2026 оны байдлаар 348 өрхийн 1280 хүн ам оршин суудаг. Өрхийн сууцны нөхцөлийн хувьд 75 өрх гэрт, 156 өрх байшинд, 4 өрх тохилог сууцанд, 113 өрх орон сууцанд амьдарч байна. Энэ нь тус багийн хувьд уламжлалт болон суурин амьдралын хэв шинжийг хослуулсан бүтэцтэй болохыг илтгэж байна.
Жаргалант баг нь төв суурин болон хөдөөгийн онцлогийг хослуулсан нутаг дэвсгэрийн зохион байгуулалттай бөгөөд мал аж ахуй, өрхийн үйлдвэрлэл, жижиг дунд бизнес зэрэг эдийн засгийн олон талт үйл ажиллагаа зэрэгцэн хөгжих нөхцөл бүрдсэн. 2025 оны жилийн эцсийн мал тооллогын дүнгээр 140 малчин, мал бүхий өрх, 2 аж ахуйн нэгжийн нийт 8,485 толгой мал тоологдсон байна. Үүнээс адуу 1,839, үхэр 2,752, хонь 1,966, ямаа 1,928 толгой байна.
Хүн амын насны бүтцийн хувьд 0-15 насны 312, 16-59 насны 786, 60 ба түүнээс дээш насны 182 иргэн бүртгэлтэй байна. Нийт хүн амын 49.46 хувийг эмэгтэйчүүд, 50.54 хувийг эрэгтэйчүүд эзэлж байгаа нь хүйсийн харьцаа харьцангуй тэнцвэртэй байгааг харуулж байна.
Ийнхүү Жаргалант баг нь хүн амын нийгмийн бүтэц, эдийн засгийн чадавх, мал аж ахуйн нөөц боломжид тулгуурлан орон нутгийн хөгжлийн бодлогыг хэрэгжүүлэн ажиллаж байгаа засаг захиргааны анхан шатны нэгж юм.
Сэтгэгдэл үлдээх