Мэдээ, мэдээлэл

2024 оны Мал, тэжээвэр амьтдын тооллогыг 12 дугаар сарын 7-17-ны өдрүүдэд улсын хэмжээнд зохион байгуулна.
Малтай айл өрх, аж ахуйн нэгж, байгууллага та бүхнийг жилийн эцсийн тооллогодоо идэвхтэй оролцохыг уриалж байна.

Жаргалант сумын хүн амыг төмс, хүнсний ногоогоор тогтвортой хангах, ногоочдын тариалсан төмс, хүнсний ногоог хадгалах зорилгоор орон нутгийн 3.8 тэрбум төгрөгийн хөрөнгө оруулалтаар энэхүү зоорь баригдсан. Тус зоорийг барихад ХХААХҮЯ, аймаг, сумын ЗДТГ, аймаг, сумын ИТХ, ГХБХБГ, ХББЗА, ХХААГ-ын хамтын ажиллагааны хүрээнд Сэнгүн констракшин ХХК барьж гүйцэтгэлээ. ХХААХҮЯ-ны захиалгаар “Экспортыг дэмжих төсөл”-өөс 193.0 сая төгрөгийн үнэ бүхий 500 тн ногоо хадгалах зориулалтын тоноглол, автотехникээр бүрэн хангасан, Монгол Улсад анх удаа баригдсан иж бүрэн механикжсан зоорь юм. 24х36 метрийн хэмжээтэй, 864 мкв талбай бүхий иж бүрэн механикжсан зоорь юм. Ногоо хадгалах 5 хэсэгтэй, үүнд 2 тасалгаанд 200 тн төмс , 1 тасалгаанд 100 тн сонгино, 1 тасалгаанд 100 тн лууван, 1 тасалгаанд 100 тн манжин зэрэг ногоог тус тусад нь хадгалахаар иж бүрэн тоноглосон. Хяналт удирдлагын байр, ажилчдын амрах болон захиргааны өрөөг иж бүрнээр төлөвлөсөн. Гаднаа жижиглэн худалдаа эрхлэх зориулалт бүхий 1000 мкв талбай болон автомашины зогсоолыг төлөвлөн барьсан.

Үндэсний Статистикийн Хорооноос Өрхийн нийгэм, эдийн засгийн судалгааг улсын хэмжээнд сар бүр тогтмол зохион байгуулж байна. Энэхүү судалгааны мэдээлэлд түшиглэн Монгол Улсын хүн амын амьжиргааны байдал, ядуурлын түвшин, өрхийн орлого зарлага, хэрэглээ болон бусад үзүүлэлтийг тодорхойлдог.
2024 онд Өрхийн нийгэм, эдийн засгийн судалгаанд санамсаргүй түүврийн аргаар сонгогдсон 16 400 өрхийг хамруулж байна. Тодруулбал Үндэсний Статистикийн Хорооноос тусгайлан бэлтгэгдсэн мэдээлэл цуглуулагч нар түүвэрт сонгогдсон өрхөөс энэхүү судалгааны мэдээллийг цуглуулж байгаа юм.
Хэрэв танай өрх энэхүү судалгаанд сонгогдсон бол Өрхийн нийгэм эдийн засгийн байдлыг илэрхийлэх мэдээлэл цуглуултад идэвхтэй хамрагдахыг уриалж байна.

Малчид иргэдийн хадлан бэлтгэх ажилд агроүйлчилгээний техник 09 сарын 05-аас эхлэн 2 чиглэлд дунд оврын трактор 3, бага оврын трактор 1ш, хадуур 3ш, тармуур 2ш, хаман боогч 2ш гарахаар бэлтгэл ажлаа хангаж байна. Иргэдээс техник үйлчилгээний захиалга авч байна. Одоогоор 65 иргэний захиалга авч 25 иргэний 70 га талбайд үйлчилгээ үзүүлсэн.
Хадлангийн техникийн үйл ажиллагаа харьцангуй хэвийн явагдаж иргэдэд үйлчилж байна. Техникийн хөнгөн гэмтлүүд гарч байгаа ч НҮА богино хугацаанд засварлан үйлчилгээг явуулж байна.

Жаргалант багийн хойд хорооллын тоглоомын талбай засварлах ажлыг хүлээж авах улсын комисс ажиллаа. Тус ажлыг Орон нутгийн хөгжлийн сангийн хөрөнгө оруулалтаар "Талст өргөө"ХХК хийж гүйцэтгэлээ.

“Ногоон Жаргалант хөтөлбөр”-ийн хүрээнд авто замын хамгаалалтын ойн зурвасын хашаа барих ажлыг хүлээн авах улсын комисс ажиллаа. Тус ажлыг Орон нутгийн хөгжлийн сангийн хөрөнгө оруулалтаар "Мэргэн гүн хийморь" ХХК хийж гүйцэтгэлээ.

Үндэсний Статистикийн Хорооноос Өрхийн нийгэм, эдийн засгийн судалгааг улсын хэмжээнд сар бүр тогтмол зохион байгуулж байна. Энэхүү судалгааны мэдээлэлд түшиглэн Монгол Улсын хүн амын амьжиргааны байдал, ядуурлын түвшин, өрхийн орлого зарлага, хэрэглээ болон бусад үзүүлэлтийг тодорхойлдог.
2024 онд Өрхийн нийгэм, эдийн засгийн судалгаанд санамсаргүй түүврийн аргаар сонгогдсон 16 400 өрхийг хамруулж байна. Тодруулбал Үндэсний Статистикийн Хорооноос тусгайлан бэлтгэгдсэн мэдээлэл цуглуулагч нар түүвэрт сонгогдсон өрхөөс энэхүү судалгааны мэдээллийг цуглуулж байгаа юм.
Хэрэв танай өрх энэхүү судалгаанд сонгогдсон бол Өрхийн нийгэм эдийн засгийн байдлыг илэрхийлэх мэдээлэл цуглуултад идэвхтэй хамрагдахыг уриалж байна.